प्रवाशी मञ्च ओमानको बार्षिक सभा समारोह सम्पन्न ।
गत २ बर्ष अघि तर्दथ समितिलाई कार्यसमितिमा परिणत स्थापित प्रवाशीमञ्च ओमानले प्रथम एैतिहाँसिक अधिबेशन मस्कटको रुवि स्थित मोतिमहल होटलमा सम्पन्न गरेको छ । कार्यक्रमको सभापतिमा बर्तमान अध्यक्ष गगन कार्की तथा प्रमुख अतिथिमा एमाले पोलिटव्युरो सदस्य तथा बिदेश बिभाग इन्चार्ज बिन्दा पाण्डे रहनु भएको थियो । नेपाली दुतावास ओमानकी नियोग प्रमुख रोजिना ताम्राकार बिषेश अतिथिमा रहनु भएको थियो त्यस्तै आमन्त्रीत अतिथिहरुमा प्रवाशी मञ्च बहराईनका अध्यक्ष दुर्गा गिरि तथा यु।ए।इ का अध्यक्ष प्रकाश कोईराला रहनु भएको थियो साथै कार्यक्रममा ओमानमा रहेका बिभिन्न संघ संस्थाका प्रतिनिधि तथा ओमानवासी नेपालीहरुको लगभग १०० जना जतिको सहभागिता रहेको थियो ।कार्यक्रममा ओमानमा रहेका संघ संस्थाका प्रतिनिधि तथा अतिथिहरुले शुभकामना मन्तव्य दिएका थिय । यस अधिबेशनद्धारा गठित हुने प्रवाशी मञ्च ओमानको नयाँ कार्यसमितिलाई शुभकामना दिनुका साथै असोज ३ गते जारी गरिन लागेको संबिधान र ओमानका समसामायिक बिषयहरुमा संघ संस्थाको मन्तव्य केन्द्रित रहेको थियो । यस्तै गैर आवासीय नेपाली संघ ओमानका पूर्व अध्यक्ष तथा प्रमुख संरक्षक रहनु भएका डि।बि क्षेत्री ज्युले संघले उठाउँदै आएको बैदेशिक रोजगार सामाजिक सुरक्षा कोषको बारेमा जानकारी गराउनु भएको थियो ।
मन्तव्यमा बोल्दै प्रवाशी मञ्च बहराईनका अध्यक्ष दुर्गा गिरि ज्यूले बैदेशिक रोजगारीमा रहेका महिलाहरुलाई पून श्रम स्विकृती लिन अप्ठेरो परेका कुरालाई उठाउनु भएको थियो । बैदेशिक रोजगारीमा रहेका महिलाहरुलाईको श्रम स्विकृतीलाई सहज बनाउन बिदेश स्थित नेपाली नियोगहरु र नेपाल सरकारले बिचार बिमर्श गरि सहज बनाउन मञ्चबाट नै आग्रह गर्नुभएको थियो । यसका साथै बिदेश स्थित नेपाली नियोगहरुमा पुन श्रम स्विकृतीको व्यवस्था हुनुपर्नेमा पनि उहाँले जोड दिनु भएको थियो । यस्तै मन्तव्यमा बोल्दै प्रवाशी मञ्च यु।ए।इ।का अध्यक्ष प्रकाश कोईराला ज्युले ओमानमा रहेका संघ संस्था बिच राम्रो मेलमिलाप रहेको र यो उदाहरणिय भएको पनि बताउनु भयो । साथै भारि बहुमतबाट जारि हुन लागेको संबिधानमा बहुमतलाई कदर गनुपर्ने र अल्पमतका मागहरुलाई सम्बोधन गरि लोकतन्त्रलाई संस्थागत गरि अघि बढ्नु पर्ने उहाँले बताउनु भयो ।
बिषेश अतिथिमा रहनु भएकी नेपाली राजदुतावास ओमानकी नियोग प्रमुख रोजिना ताम्रकार ज्युले ओमानवासी नेपालीहरुका लागि दुतावास अभिभावकको रुपमा रहि समस्याहरुको समाधान गर्ने र ओमानमा रहेका संघसंस्थाहरुको बर्तमान समयमा रहेको सहयोग समन्वयलाई निरन्तर गर्दै जाने बताउनु भयो । प्रमुख अतिथि रहनु भएकी एमाले पोलिटव्युरो सदस्य तथा बिदेश बिभाग इन्र्चाज बिन्दा पाण्डे ज्यूले महाभुकम्पले अस्तव्यस्त भएको नेपाल पूर्ननिमाणर्का लागि युवा नेपालीहरु बिदेशबाट नेपाल फर्किनु पर्ने र देश पुर्ननिर्माणमा लाग्नु पर्ने बताउनु भयो । नेपाली श्रमिकहरुले बिदेशमा मात्रै नभई नेपालमा पनि श्रमको कदर गनुपर्ने उहाँको भनाई थियो । समाज समृद्ध बनाउनको लागि हुनपर्ने सामाजिक र सांस्कृतिक रुपान्तरणको लागि हामिले आफुबाट सुरु गरि अघि बड्नु पर्ने पनि बताउनु भयो । यसका साथै मध्यपूर्व र मलेशियाका बैदेशिक रोजगारमा रहेका श्रमिकहरुका समस्याहरुलाई सम्बोधन गर्न जिफन्ड मार्फत सम्वन्धित देशमा रहेका ट्ेरड युनियनहरुमा सम्पर्क गरेर समाधान गर्दै आएको पनि प्रमुख अतिथि पाण्डेले जानकारी दिनुभयो । कार्यक्रममा मञ्चको आर्थिक प्रतिबेदन र बार्षिक कार्य प्रनिबेदन पनि प्रस्तुत गरिएको थियो । अधिवेशनले बर्तमान अध्यक्ष कै अध्यक्षतामा आउँदो कार्यकालको लागि २९ सदस्यीय नयाँ कार्यसमिति चयन गरेको छ । मुक्तिनाथ बरालको संयोजनमा रहेको चुनाव समितिले सम्पूर्ण सदस्यहरु निर्बिरोध चयन भएको घोषणा गरेको थिया । नवगठित कार्यसमितिको अध्यक्षमा गगन कार्की, उपाध्यक्षहरुमा लिलनाथ कोईराला, तेज ब। तामाङ्ग, रामहरी गिरि, महासचिवमा सोमकृष्ण श्रेष्ठ, सचिवहरुमा बिष्णु चौलागांई, रञ्जित आर्चाय, जनकलाल महतो, कोषाध्यक्षमा मान ब। नेपाली सहकोषाध्यक्षमा अनु पौडेल, तथा सदस्यहरुमा शारदा तिवारी, राजेन्द्र तिमल्सिना, नारायणराज चौलागाई, छत्र मिश्र, जयराज कटुवाल, पशुपति जि।शि, अन्जान गुरुङ्ग, याम पौडेल, निशान्त शर्मा, बुद्धि ब। थापा, राजेश दुलाल, गोमा पाण्डे, कमल गौतम, अरुण बजाङ्गे, रेशम शिलवाल, राजु रायमाझी, रेशम ब। शाही, तथा भुपाल चौहान रहेका छन्
।
मस्कट, ओमान १९ सेप्टेम्वर २०१५
