गैरआवासीय नेपाली सोसल क्लव ओमानले चौथो अन्तर नेपाली नकआउट क्रिकेट प्रतियोगिता सम्पन्न गरेको छ । बैदेशिक रोजगारीको क्रममा ओमानका बिभिन्न क्षेत्रमा बसोवास गरिरहेका नेपालीहरु प्रतियोगितामा सहभागि भएका थिए । प्रतियोगिताको लागि गत साता प्रकाशित गरिएको टाईसिट अनुसार टिम लुम्विनी, मगर संघ, एन.आर.एन.एस.सी बी, सगरमाथा समुह, एन.आर.एन.एस.सी ए, मसरुम दिवान र गुल्मी सेवा समाजले गरि ७ टिमले खेलमा भाग लिएका थिए । जसमा गुल्मि सेवा समाज बाईमा परेको थियो । प्रथम चरणको खेल ८/८ ओभर सेमिफाईनल तथा फाईनल १०/१० ओभरको खेलाईएको थियो । प्रमुख अतिथिद्धारा व्याटिङ्ग गरि खेलको उद्घाटन गरिएको थियो । बिहान ९ बजेबाट संचालित प्रतियोगिताको पहिलो खेल टिम लुम्बिनी र मगर संघ बिच भएको थियो । जसमा मगर संघ ओमान बिजयी भएको थियो, त्यस्तै प्रतियोगिताको दोश्रो खेल एन.आर.एन.एस.सी “बी” र सगरमाथा समुह बिच भएको थियो जसमा सगरमाथा बिजयी भएको थियो । मसरुम दिवान समुहले वाकओभर लिएपछि एन.आर.एन.एस.सी “ए” समुह सेमिफाइनलमा प्रवेश गरेको थियो, यसपश्चात बाईमा परेको गुल्मी सेवा समाज र एन.आर.एन.एस.सी “ए” बिच पहिलो सेमिफाईनल खेल भएको थियो । जसमा एन.आर.एन.एस.सी “ए” बिजयी भएको थियो । सेमिफाईनलको दाश्रो खेल मगर संघ ओमान र सगरमाथा समुह बिच भएको थियो जसमा मगर संघ ओमान बिजयी भएको थियो ।

सेमिफाईनलमा बिजयी टिमहरु एन.आर.एन.एस.सी “ए” र मगर संघ ओमान बिच फाईनल खेल भएको थियो । टस जितेर व्यटिङ्ग जितेको एन.आर.एन.एस.सी ए ले व्याटिङ्ग रोजेको थियो । निकै प्रतिश्प्रधात्मक खेलमा निर्धारित १० ओभरमा ६ विकेटको क्षतीमा एन.आर.एन.एस.सी “ए” ले ५२ रन बनाएको थियो । जवाफि व्यटिङ्गमा उत्रिएको मगर संग ओमानले ९.२ ओभरमा ५३ रन को तारगेट पुरा गर्दे प्रतियोगिताका् उपाधि जितेको थियो । प्रमुख अतिथि, सोसल क्लवका अध्यक्ष तथा खेल संयोजक ज्युको उपस्थितमा बिजयी तथा उपबिजेता टिमलाई खसी, ट्रफी र मेडल प्रदान गरिएको थियो । प्रतियोगिताको सर्वोत्कृष्ट बलरको उपाधि मगर संघ ओमानका माधव के.शी ूलाई प्रदान गरिएको थियो, त्यस्तै सर्वाेत्कृष्ट व्याट्म्यानको उपाधि एन.आर.एन.एस.सी “ए” का बिरेन्द्र ठाकुरलाई प्रदान गरिएको थियो । प्रतियोगिताको सर्वोत्कृष्ट खेलाडिको उपाधि मगर संघका तेज गुरुङ्गलाई प्रदान गरिएको थियो । मगर संघ ओमानका रुद्र मगरलाई प्रतियोगितको प्रभावकारी खेलाडिको उपाधि सहित बालकृष्ण परियार ज्यूले स्पोन्सर गर्नु भएको गिफ्ट ह्याम्पर प्रदान गरिएका थियो । मलेवा क्रिकेट मैदान भएको खेलको प्रमुख अतिथि एन.आरं.एन.ए. का सचिव डि.बि छेत्री रहनु भएको थियो र प्रतियोगितको संयोजकत्व गैरआवासीय नेपाली सोसल क्लव ओमानका खेलकुद संयोजक गोबिन्द श्रेष्ठ ज्यूले गर्नु भएको थियो ।
मस्कट, ओमान २९, डिसेम्वर २०१७, पि.बि श्रेष्ठ ।

सन् २००९ मा ओमानमा गैरआवासीय नेपाली संघ स्थापना भए पश्चात ओमानको मस्कटबाट १२०० कि.मी टाढा पर्ने सललह क्षेत्रमा नेपालीहरुको ठुलो जनसंख्यालाई आधार मानि लगतै क्षेत्रीय समिति सललह गठन भएको थियो । संघको राष्ट्रिय समन्वय परिषदको राट्रिय महाधिवेशन अगस्ट ४ मा हुने भएपछि यस अगावै क्षेत्रीय समन्वय परिषदहरुको अधिवेशन गर्न निर्देशन गरेपछि गत शुक्रबार १४ जुलाई २०१७ का दिन सललह क्षेत्रीय समितिले अधिवेशन आयोजना गरेको छ । अधिवेशनले टिका प्रसाद दाहालको संयोजकत्वमा १६ सदस्यीय नयाँ कार्यसमिति चयन गरेको छ ।

अधिवेशनका प्रमुख अतिथिमा गैरआवासीय नेपाली सामाजिक क्लव (एन.आर.एन.ए.) ओमानका अध्यक्ष दिपक श्रेष्ठ रहनु भएको थियो, भने सभापतिमा क्षेत्रीय समन्वय परिषद सललहका संयोजक टिका प्रसाद दहाल र अतिथिहरुमा बुद्धभिजन ओमानका सल्लाहकार ओमाकार तामाङ्ग तथा एन.आर.एन.ए ओमानमा क्षेत्रीय समिति समन्वय संयोजक रबी लामिछाने र सललह क्षेत्रमा बसोवास गर्ने नेपालीहरु रहनु भएको थियो । सिल्भर डायमण्ड होटलमा आयोजित कार्यक्रममा बिभिन्न वक्ताहरुले आफ्नो मन्तव्य राखेका थिए । नयाँ चुनिने कार्य समितिलाई बधाई दिदै बैदेशिक रोजगारमा समसामायिक बिषयहरुमा वक्ताहरु केन्द्रित थिए । बिषेश रुपमा नेपाली महिलाहरुको बाहुल्यता रहेको सललह क्षेत्रमा महिलाका समस्याहरुलाई निराकरण गर्न र रोकिई रहेको महिलाहरुको श्रम खुलाउन आवश्यक रहेको बिषयमा छलफल भएको थियो ।

मन्तव्यमा बोल्दै कार्यक्रममा प्रमुख अतिथि दिपक श्रेष्ठ ज्यूले एन.आर.एन.ए. ले बैदेशिक रोजगारमा देखिएका सम्पूर्ण समस्याहरुको समाधानको पहल गरिरहेको बताउँदै एन.आर.एन.ए. ले देश बिकाशमा पुर्‍याउन सक्ने सहयोगको बारेमा चर्चा गर्नु भयो । आफ्नो सुरक्षित अवतरणको लागि बचत तथा संयुक्त लगानीको लागि प्रोत्साहन गर्दै आगामी दिनमा ओमानबाट पनि सामुहिक लगानी नेपाली भित्र्याउन पहल गर्ने बताउदै हजारे अभियानको बारेमा पनि चर्चा गनुभयो भयो । सललह क्षेत्रीय समन्वय परिषदले यस क्षेत्रका नेपालीहरुका लागि दिदै आएको सेवा सरहानिय रहेको बताउँदै श्रेष्ठले भुकम्पको समयमा पनि यस क्षेत्रले ठुलो सहयोग संकलन पठाएको सम्झनु भयो । नवनियुक्त कार्यसमितिलाई बधाई दिदै यस कार्यसमितिले पनि संघको अभियानलाई अघि बढाउन सहयोग गर्नेमा आफु बिश्वस्त रहेको बताउनु भयो ।

अधिवेशनले चयन गरेको नयाँ कार्यसमितिको संयोजकमा टिका प्रसाद दाहाल, उपसंयोजकमा कृष्ण बि.क, प्रवक्ता महेन्द्र सडौला, सचिव कृष्ण बि.के, उपसचिव मनोज घिमिरे, कोषाध्यक्ष शुक्र थामी, सह–कोषाध्यक्ष गिता थापा, र सदस्यहरु शंकर थापा, पदम पाण्डे, बिरेन्द्र मण्डल, सागर अधिकारी, कमल देवकोटा, कमला तामाङ्ग, लक्ष्मी रसाईली, कुमारी राई, र सरिता बि.क रहेका छन् र सल्लाहकारमा चन्द्र कुमार सुनुवार रहनु भएको छ ।


कार्यक्रममको समापनमा सहारोहमा बोल्दै संयोजक टिका प्रसाद दहाल ज्यूले सललह क्षेत्रमा रहेका नेपालीहरुको सेवामा आफु सदा लाग्ने प्रण गर्दै आवश्यक सहकार्य केन्द्रिय कार्यकारिणी समिति संग पनि गर्ने बताउनु भयो । कार्यक्रममा सललह क्षेत्र बसोवास गरिरहेका नेपालीहरुको भव्य उपस्थिती रहेको थियो । साथमा सललह क्षेत्रका पत्रकार, बुद्धिजीवी र साहित्यकार हरुको पनि उपस्थिती रहेको थियो । कार्यक्रमलाई ग्लोवल मनी एक्सचेन्ज –बुम रेमिट) ले प्रायोजन गरेको थियो ।
पि.बि श्रेष्ठ, मस्कट ओमान १५ जुलाई २०१७

मस्कट, ०७ जुलाई २०१७, पि.बि श्रेष्ठ ।
सन् २०१३ मा स्थापित नेपाली जनप्रगतिशिल मञ्च ओमानले  “अन्यायको बिरुद्धमा एक हुने संकल्प देश बिकाश अनि समृद्धिका लागि आर्थिक क्रान्ति नै आजको बिकल्प” भन्ने नाराका साथ ०७ जुलाई २०१७ का दिन प्रथम ऐतहासिक एकताको महाधिवेशन सम्पन्न गरेको छ । महाधिवेशनले निर्विरोध उमेश बि.क को अध्यक्षतामा नयाँ कार्यसमिति चयन गर्दै १३ बुदे घोषणा पत्र जारि गरेको छ । अल रिफ होटल गोव्रामा आयोजित कार्यक्रमको प्रमुख अतिथिमा पुर्व उपप्रधानमन्त्री तथा परराष्ट्रमन्त्री, माओवादी केन्द्र हेडक्वाटर सदस्य तथा बिदेश बिभाग प्रमुख नारायण काजी श्रेष्ठ (प्रकाश) रहनु भएको थियो । त्यस्तै बिषेश अतिथिहरुमा नेपाली राजदुतावास मस्कटकी राजदुत महामहिम शर्मिला पराजुली ढकाल तथा एन.आर.एन.ए. मध्यपूर्व संयोजक डि.बि छेत्री रहनु भएको थियो । त्यस्तै बिषेश कलाकार अतिथिमा नेपालबाट आउनु भएका जनवादी युवा गाएक नविन खड्का रहनु भएको थियो । त्यस्तै ओमान भ्रमणमा रहनु भएका उधोग बाडिज्य संघका पूर्व अध्यक्ष चण्डिराज ढकाल पनि कार्यक्रमको अतिथि रहनु भएको थियो । साथै ओमानमा रहेका संस्थ संस्थाका प्रतिनिधिहरु र ओमानवासी नेपालीहरु अतिथिको रुपमा उपथित भएका थिए ।

दिनको १२ बजेबाट सुरु भएको कार्यक्रममा प्रमुख अतिथिद्धारा रिवन काटेर कार्यक्रमको उद्घाटन गरिएको थियो । कार्यक्रममा तत्कालिन महासचिव उमेश बि.क ज्यूले मञ्चको कोष बिवरण प्रस्तुत गर्नुभएको थियो । यसपश्चात कार्यक्रममा स्थानित संघसंस्थाहरुको शुभकामना मन्तव्यको कार्यक्रम रहेको थियो । वक्ताहरुले मन्तव्यमा बोल्दै आज चयन हुने मञ्चको नयाँ कार्यसमितिलाई शुभकामना तथा बधाई दिनु भएको थियो । साथै समसामायिक बिषयहरु महिलाहरुको पून श्रम स्वीकृति, बिदेशमा पनि मतदानको सुविधा गनुपर्ने, बैदेशिक रोजगारलाई सम्मानित बनाउन पर्ने, शुन्य लागत भनिए पनि अलिहे सो हुन नसकेर भईरहेको भष्टचार रोकिन पर्ने जस्ता बिषयहरुलाई उठाएका थिए । मन्तव्यमा बोल्दै बिषेश अतिथि एन.आर.एन.ए मध्यपूर्व संयोजक डि.बि छेत्री ज्यूले बैदेशिक रोजगार सामजिक सुरक्षा कोषको महत्वको चर्चा गर्दै बैदेशिक रोजगारलाई सुरक्षित सम्मानित र मर्यादित बनाउन बिमानस्थलबाट हुने भ्रष्टचार नियन्त्रणका लागि सम्वन्धित समयमा ड्युटीमा रहेका कर्मचारीलाई कार्वाही गर्नपर्ने सुझाउनु भयो । त्यस्तै महिलाको पून श्रम स्वीकृतिको लागि खुल्ला गर्नुपर्ने र नयाँ आउने महिलाहरुको लागि भने उपयुक्त कानुन तर्जुमा गरि लागु गनुपर्ने तथा हचुवाको भरमा कानुन बनाई लागु गर्न नहुने बताउनु भयो ।

कार्यक्रमको मन्तव्यमा वोल्दै महामहिम राजदुत शमिला पराजुली ढकाल ज्यूले आफु ओमानवासी नेपालीहरुको सेवामा समर्पित भएको र नेपालीहरुको सेवाका लागि दुतावास चौबिसै घण्टा खुल्ला रहेको पनि बताउनु भयो । दुतावासले ओमानवासी नेपालीहरुको हक हित संकक्षणको लागि नेपाल ओमानबिच श्रम सम्झौता गर्न पहल गरिरहेको बताउनु भयो । राजदुत ढकालका अनुसार गत बर्ष ५१ जना नेपाली महिलाहरुको दुतावासले उद्धार गरेको जानकारी पनि दिनुभयो ।

कार्यक्रममा बोल्दै उधोग बाडिज्य संघका पूर्व अध्यक्ष चण्डिराज ढकाल ज्यूले बैदेशिक रोजगारमा रहेका नेपालीहरुको रेमिट्यान्सको महत्वको चर्चा गर्दै बैदेशिक रोजगारमा रहेका नेपालीहरुको सुरक्षित अवतरणको लागि उधोग बाडिज्य संघ सहयोगको लागि सधै तत्पर रहेको पनि जानकारी दिनुभयो ।

मन्तव्यमा बोल्दै कार्यक्रममा प्रमुख अतिथि ज्यूले महाधिवेशनका वक्ताहरुले उठाउनु भएका बिभिन्न जिज्ञाशाहरुको उत्तर दिदै मञ्चमा उठेका बिषयहरुमा आफु सकारात्मक रहेको जानकारी दिनुभयो साथै उल्लेखित बिषयहरुमा आफुले पनि आवाज उठाईरहेको बताउनु भयो  । आफु परराष्ट्र मन्त्री हुदा ओमानमा राजदुतावास स्थापना गर्ने निर्णय गरेको श्रेष्ठले भन्नुभयो । बिभिन्न समयमा बिदेश भ्रमण गर्दाको अनुभव सुनाउँदै बिदेशमा पनि नेपालीहरुको जमात देख्दा खुशी भएको तर बास्तबिकतामा देश बनाउने नेपाली युवाहरुको बैदेशिक रोजगार जान पर्ने बाध्यता प्रति खेद रहको पनि बताउनु भयो । यहि प्रकारले नेपालीहरु बैदेशिक रोजगारमा गईरहने हो भने नेपाल कुनैदिन बृद्धाश्रम बन्न सक्ने तितो सत्यता प्रति इंकित गदै अव देशको आर्थिक बिकाश गर्नुपर्नेमा जोड दिनुभयो । प्राकृतिक श्रोत र साधनले बिश्वका थोरै राष्ट्रहरु मात्रै सबल छन् त्यस मध्यमा पनि नेपाल लगभग नं १ मा नै रहेको छ । कृषिको क्षेत्रमा भनौ, जडिबुट्टी, जलश्रोत वा भनै पर्यटकिय सम्भाबनाको दृष्टिकोष सवैमा अव्वल छ । तर पनि देशमा बिभिन्न समयमा भएका राजनितिक घटनाक्रमले तथा अस्थिरताले देश बिकाशको गतिलाई पछाडि धकेलि रहेको छ । देशका अग्रगामी बिकाशको लागि ठुलो राजनितिक संघर्ष भयो र देश र जनताको ठुलो बलिदान पश्चान गणतन्त्र, संधियता, सामाजिक न्याय, समानुपातिक समावेशीकरणक, धर्म निरपेक्ष राष्ट्रलाई संस्थागत गरियो । अव यिनै बिषयहरुको आधारमा देश बिकाश हुनेछ । भर्खरै स्थानित सरकारको निर्वाचन भईरहेको छ र यसै प्रकारले निर्धारित समयमा अन्य तहका चुनाव भएपछि देश राजनितिक स्थिरतामा जान्छ र देश बिकाश हुनेछ । अव बिकाशको क्रमले गति नलिनु बाहेक अकौ बिकल्प नरहेको तथा नेपाल बनाउन सवै एकजुट हुनै पर्ने बाध्यता रहेको पनि श्रेष्ठले बताउनु भयो । साथै नेपालको राजनितिक दल तथा नेताहरु बाह्य शक्ति मुखि हनु नहुने र देश बनाउने क्षमता आफै राख्नुपर्ने उहाँले बताउनु भयो ।

दाश्रो प्रहरको बन्दसत्र कार्यक्रमले २७ सदस्यीय कार्य समिति चयन गरेको छ । मञ्चको नवनिर्वाचित कार्यसमिति:
अध्यक्ष : उमेश बि.क
उपाध्यक्ष : हेम आर्चाय
चक्रमान तामाङ्ग
कमला तामाङ्ग
महासचिव:समित अधिकारी
सचिव : राम सिह तामाङ्ग
दिपक परियार
इश्वर राना
सह–सचिव:शोभा आर्चाय
कोषाध्यक्ष :पञ्चराम स्याङताङ तामाङ्ग
सह कोषाध्यक्ष : राम लासिवा
सदस्यहरु :टेक बहादुर कार्की
अर्जुन कार्की
सुरेष बराईली
श्याम महतो
रिनामाया
चित्र बहादुर के.शी
बि.भि तामाङ्ग
बिशाल सुव्वा
कमल कटुवाल
शंकर अधिकारी
दिपक परियार
ईश्वर राना
सिता घिमिरे
बिक्रम तामाङ्ग

सल्लाकार तथा संरक्षक :
पदम प्रसाद अर्याल (मुख्य संरक्षक)
तुला गिरि (मंच संरक्षक)
तोलाकान्त भट्टराई
ज्ञानेन्द्र खनाल
इच्छा राई
मुन्ना बावु परियार

नवनिर्वाचित समितिले १३ बुदे घोषणापत्र जारि गरेको छ । घोषणापत्रमा भैपरि आउने नेपालीहरुका समस्यमा सहयोग गर्ने, बैदेशिक रोजगारीलाई सुरक्षित बनाउन पहल गर्ने, पार्टिको पक्षमा शशक्त उपस्थिति तथा सदस्यता बढाउने, आवश्यक समयमा नेपालमा सहयोग गर्ने जस्ता बुदाँहरुलाई समेटेको छ । प्रमुख अतिथिबाट शपथ ग्रहण गर्दै नवनिर्वाचित अध्यक्ष उमेश बि.क ज्युले अतिथि, आम ओमानवासी नेपाली, पत्रकार र कार्यक्रमका प्रायोजकहरुलाई धन्यवाद दिदै मञ्चको घोषणापत्रको प्रतिवद्धता पुरा गर्ने जानकारी दिनुभयो ।

कार्यक्रमलाई बिभिन्न समयमा मनोरोञ्जन प्रदान गर्दै गाएक नबिन खड्काले मनोरोञ्जनात्मक बनाएका थिए । कार्यक्रमलाई असिल मेनपावर, अल जदिद एक्सचेन्ज तथा अल मुधिस कम्पनीले प्रायोजन गरेका थिए । ओमानवासीय नेपालीहरुको भव्य सहभागितामा आयोजित कार्यक्रम साँझ ७ बजे समापन गरिएको थियो ।

३० जुन २०१७ , मस्कट,
पि.बि श्रेष्ठ, मस्कट, ओमान ३० जुन २०१७

तमु समाज ओमानले मस्कटमा नेपाली कथानक चलचित्र परदेशी जीवन  प्रदर्शन गरेको छ । ३० जुन २०१७ शुइक्रबारका दिन मस्कटको घुब्रा स्थित अल माहा इन्टर्नेसनल होटेलको हलमा  बिहान ११ बजे बाट संस्थाका उपाध्यक्ष ज्यु को सभापतित्व तथा नेपाली दुतावासका महामहिम राजादुत ज्यु को प्रमुख आतिथ्यमा औपचारिक कार्यक्रम सहीत शुरु भएको थियो । बिशेष अतिथि एन आर एन  ए मध्यपुर्व सम्योजक डि बि छेत्री रहनु भएको थियो भने ओमानमा कृयाशिल सबै संस्थाका प्रतिनिधि हरु अतिथिका रुपमा उपस्थित भएका थिए । उक्त सिनेमा हेर्न को लागि ओमानका बिभिन्न ठाउँ हरु बाट नेपाली हरु आएका थिए  जसले गर्दा हल भरिभराउ रहेको थियो ।

औपचारिक कार्यक्रममा बोल्दै  महामहिम राजादुत शर्मिला पराजुली ढकाल ज्यु ले आयोजक संस्थालाई यस कार्यका लागि धन्यवाद दिनु भएको थियो । बिदेशमा रहने सबै नेपालीहरुले नेपाली चलचित्रलाई प्रबर्धन गरेर यो क्षेत्रलाई अझै माथिल्लो स्तरमा लान सकिने बिचार  उहाले राख्नु भयो । यसै क्रममा बैदेशिक रोजगारिको सकरात्मक् र नकरात्मक  पाटो हरुको पनि उजागर गर्दै नकरात्मक पक्षलाई सकरात्मक् बनाउन नेपाली दुतावासले भूमिका खेल्ने बताउनु भयो । ओमानमा हरेक नेपाली हरुलाई पर्ने समस्यामा नेपाली दुतावास सहयोग गर्न तयार रहेको पनि बताउनु भयो ।

यसै औपचारिक कार्यक्रममा बोल्दै बिशेष अतिथि डि बि छेत्री ज्यु ले फिल्म प्रदर्शन गरी नेपाली सिनेमाको प्रबर्धन गरेकोमा तमु समाज ओ मानलाई बधाई दिदै यस्ता कार्य हरु गर्न सबै सन्थाहरुलाई आव्हान गर्नु भयो ।

यस् कार्यक्रममा फिल्म का कलाकार नायकहरु  मिन गुरुङ  र भिम मल्लका साथै अन्य पाहुना हरु मुक्ती गुरुङ  र श्रीमती मिन गुरुङ पनी यस् कार्यक्रममा आउनु भएको थियो ।

यस् फिल्म प्रदर्शनी भब्यरुपमा सफल भएको जानकारी तमु समाजअका अध्यक्ष श्री बिजय तमु ज्यु ले दिनु भएको छ ।

सन् २०१२ मा स्थापित नेपाली महिला समुह ओमानले यस बर्षको हरितालिका तिजको अवसरमा तिज बिषेश सांस्कृतिक कार्यक्रम आयोजना गर्ने भएको छ । “हामी सबैको चिनारी ! हामी नारी एक हौं ” भन्ने मुख्य नाराका साथ एक पोस्टर सार्वजनिक गरि ओमानवासी आम नेपालीलाई समुहको आयोजना हुन गईरहेको तिज कार्यक्रममा सहभागी हुन अपिल गरिएको छ ।

महिला समुह ओमानको छौटौं प्रस्तुती स्वरुप हुन गईरहको यस कार्यक्रममा नेपालका चर्चित लोक दोहोरी गयिकाहरु उमा गिरी र मिना अधिकारीलाई आमन्त्रण गरिएको छ । कार्यक्रम मस्कटको रुवि स्थित अलमासा हलमा २५ अगस्ट २०१७ का दिन आयोजना हुदैछ । कार्यक्रमको प्रबेश शुल्क रि.ओ ५ रहेको छ ।

सन् २०१५ मा स्थापित दलित एकता संजाल ओमानले मान बहादुर बराईलीको अध्यक्षतामा पहिलो कार्यकाल सम्पन्न गरेको छ । २१ जुलाई २०१७ का दिन हाइवेसाईट माउन्टेन होटल अलखुयरमा आयोजना गर्न लागिएको प्रथम अधिवेशनले दोश्रो कार्यकालको लागि कार्यसमिति चयन गर्ने संजाल ले जानकारी दिएको छ । संजालले बैदेििशक रोजगारीका क्रममा ओमानमा रहेका दलितहरुको हकहितको लागि आवाज उठाउनुका साथै ओमान भरि रहेका कथित दलित हरुलाई एकै मालामा गाँस्दै लगिरहेको छ ।

पि.बि श्रेष्ठ, मस्कट, ओमान ३० जुन २०१७

ओमानमा सन् २०१३ मा स्थापित जनप्रगतिशिल मञ्च ओमानले यहि ०७ जुलाईका दिन आफ्नो प्रथम अधिवेशन सम्पन्न गर्दैछ । आम ओमनवासी नेपालीको जानकारीको लागि महाधिवेशन आयोजक समितिले २० मे २०१७ मा एक अपिल प्रकाशित गरेको थियो । “संसारका मजदुर एक हौं” भन्ने मुल नारा अनि अन्यायको बिरुद्धमा एकबद्ध हुने हाम्रो संकल्प, “देश बिकाश अनि समद्धिका लागि आर्थिक क्रान्ती नै आजको बिकल्प” भन्ने कार्य नितिक नारा साथ कार्यक्रम आयोजना हुने अपिलमा जानकारी गरिएको छ ।

आयोजक समितिका अनुसार महाधिवेशन कार्यक्रमलाई भव्य रुपमा सम्पन्न गर्न भुतपूर्व परराष्ट्र तथा उपप्रधान मन्त्री नारायण काजी श्रेष्ठ आउँदै हुनुहुन्छ । साथै कार्यक्रममा जनवादी गितहरुद्धारा मनोरोञ्जन दिलाउन जनवादी युवा गाएक नविन खड्का पनि आउँदै छन् । कार्यक्रम माथि उल्लेखित दिनको ११ बजे बाट अल रिफ होटल गोब्रा हुदैछ ।

पि.बि, २७ जुन २०१७, मस्कट, ओमान

अनूकुल प्रकाश , जेठ १९

नेपाली राजदुतावास ओमानको आयोजनामा ओमानमा रहेका विभिन्न संघसंस्था तथा सर्वसाधारण नेपालीहरुको गौरवपुर्ण उपस्थितिमा नेपाली राष्ट्रिय गान बजाएर नेपाली राष्ट्रिय झन्डाको छत्रछायामा ज्ञात अज्ञात सहिदहरु प्रती सम्मान गर्दै नवनियुक्त राजदूत महामहिम सर्मिला पराजुली ढकाल ज्यू लाई स्वागत गर्दै गणतन्त्र दिवस मनाईयो ।

समारोहमा एन.आर.एन मध्यपुर्वका संयोजक डि बि क्षेत्री र एन.आर.एन ओमानका अध्यक्ष  दीपक श्रेष्ठले नवनियुक्त राजदूतलाई स्वागत र गणतन्त्र दिवसको उपलक्ष्यमा शुभकामना मन्तव्य राख्नुभयो । क्षेत्रीले बिस्तारै जरा हाल्दै गरेको गणतन्त्र र यसको संरक्षणको लागि एन.आर.एनको तर्फबाट महत्वपूर्ण भुमिका निभाउने प्रतिबद्धता जाहेर गर्नुभयो । यसका साथै ओमानमा संगठित संस्थाहरुका प्रतिनिधिहरुले आ-आफ्नो मन्तव्य राख्नु भयो । उहाँहरुले आफ्नो मन्तव्यमा ठूलो संघर्षले प्राप्त गरेको उपलब्धिको रुपमा आएको नेपालको संविधानको कार्यान्वयनको आवश्यकता र औचित्यको बारेमा प्रष्ट्याउनुका साथै नेपाली मजदुरको शोषण,ठगी र नेपाली चेलीको अवैध प्रवेशका विरुद्दमा महामहिमले कडा रुपमा कदम चाल्नुपर्ने कुरामा जोड दिनुभयो ।


कार्यक्रममा वक्ताहरुले नेपालमा गणतन्त्र स्थापनमा जत्तिको संघर्ष गर्नुपर्यो ओमानमा राजदूतावास स्थापना गर्नको लागि पनि मजदुरहरुले त्यतिकै संघर्ष गर्नुपरेको कुरा राख्नुभयो र यो संघर्षले स्थापित राजदूतावासले मजदुरको हकहितका लागि काम गर्न कसैको डर,धम्की र प्रलोभनमा नपर्न महामहिमलाई    ध्यानाकर्षण गराउनुभयो ।

कार्यक्रममा गजलकार सुशील पुन विरहीले प्रवासी नेपाली साहित्यकारहरुको प्रतिनिधिको रुपमा मन्तव्य दिनुहुँदै देशप्रेम झल्कने गजल सुनाएर समारोहलाई थप उत्साह प्रदान गर्नुभयो ।


कार्यक्रममा महामहिमले ओमानको लागि नेपालको प्रथम राजदूतको हैसियतमा नेपालको गणतन्त्र दिवस मनाउँन पाउँदा आफू अत्यन्त हर्षित भएको कुरा उल्लेख गर्नुभयो । उहाँले अवको आवश्यकता भनेको आर्थिक तथा सामाजिक बिकास एक अपरिहार्य कुरा भएको कुरा जनाकारी गराउनुभयो । नेपालको आर्थिक बिकासलाई बैदेशिक रोजगार   ब्यबस्थापन महत्वपूर्ण कार्य रहेको कुरा बताउनुभयो । आफ्नो कार्यकालमा ओमानमा रहेका नेपालीहरुको समस्यालाई आफुले आफ्नै समस्या ठानेर भूमिका निवाह गर्ने प्रतिबद्धता जाहेर गर्दै कार्यक्रमको समाप्त भएको घोषणा गर्नुभयो ।

सन् २०१३ अक्टोवर २२ दिन स्थापित नेपाली राजदुतावास ओमानले गत २४ मे २०१७ का दिन राजदुत पाएर पूर्ण भएको छ । के.पी ओली सरकारको समयमा ओमानको राजदुत पदमा मधेशी फोरमको कोटा मार्फत सिफारिसमा परेकी शर्मिला पराजुलीलाई बर्तमान प्रचण्ड सरकारले सदर गरि राजदुत पदमा नियुक्त भएकी छिन् । राजदुत पराजुली गत बुधवार ओमान आईपुगेकी खवर प्राप्त भएको छ र बिहिवार, २५ मे २०१७ बाट कार्यभार सम्हाल्न सुरु गरि सक्नुभएको जानकारी आएको छ । राजदुतको पूर्णता संगै ओमानवासी नेपालीहरुको समस्याहरुलाई तदारुकता साथ सम्वोधन हुने र पिडितहरुले चाडो न्याय पाउनेमा ओमानवासी नेपालीहरु आशावादि छन् । यसका साथै बर्तमान समयका महत्वपूर्ण बिषयहरु अहिले सम्म पूरा हुन नसकेको ओमान र नेपाल बिचको श्रम सम्झौताले पूर्णता पाउने तथा नेपालको पर्यटन र श्रम प्रवद्र्धन हुनेमा आशावादी हुन सकिन्छ ।

पि.बि श्रेष्ठ, मस्कट, २६ मे २०१७

पि.बि श्रेष्ठ, मस्कट, २६ मे २०१७

गैरआवासीय नेपाली संघ ओमान सामाजिक क्लवको रुपमा बिधिबत दर्ता भएपछि संघले गर्दै आएको निरन्तर कार्यक्रम रक्तदान आज २६ मे २०१७ का दिन व्लड बैंक वौसरमा आयोजना गरि सम्पन्न गरेको छ । जीवनको उपहार दिउँ रक्तदान गरौं (Give the Gift of Life, Donate Blood) भन्ने बाक्यांशलाई व्यानरमा उतार्दै एन.आर.एन. सामाजिक क्लवले आयोजना गरेको यस कार्यक्रममा ७१ जना नेपाली तथा बिदेशीहरुलाई रक्तदानको लागि उपस्थित गराएको थियो । यसमध्ये ५९ जनाले रक्तदान गर्न सफल भएको जानकारी कार्यक्रमका संयोजक भरत अधिकारी ज्यूले जानकारी दिनुभयो ।

कार्यक्रममा सहभागि हुने सम्पूर्ण रक्तदाताहरुलाई धन्यवाद दिदै क्लवका अध्यक्ष दिपक श्रेष्ठ ज्यूले क्लवका आगामी दिनमा आयोजना हुने यस्ता समाजसेवी कामहरुमा सहभागी भईदिन पनि ओमानमा रहेका नेपालीहरुलाई आग्रह गर्नुभयो । बिषेशत मुस्लिम पर्व रमदानको ठिक अघि आयोजित यस रक्तदान कार्यक्रमलाई बिषेश महत्वकासाथ लिएको पाईएको छ । संघद्धारा आयोजित यो ५ औं रक्तदान कार्यक्रम हो ।

बिश्व शान्तिको दुत गौतम बुद्ध को २५६१ औं जन्मजयन्तिको अवसर सन् २०११ मा स्थापित नेपाली बुद्धभिजन ओमानले एक कार्यक्रमको आयोजना गर्न गईरहेको अपिल प्रकाशित गरि जानकारी गराएको छ । १९ मे २०१७ शुक्रबारका दिन मस्कटको गोव्रा स्थित अलमाहा इन्टरनेशनल होटलको कार्यक्रम हलमा आयोजना गर्न लागिएको उक्त कार्यक्रममा स्थानिय कलकारहरुले नेपाली सांस्कृतिक प्रस्तुतीहरु पनि देखाउने आयोजकले जानकारी गराएको छ ।

यस कार्यक्रम मार्फत जम्मा हुने रकम नेपालको चितवन स्थित साहाराको घर नामक अनाथालयलाई प्रदान गरिने कुरा नेपाली बुद्धभिजन ओमानका सल्लाहकार ओमकार तामाङ्गले बताउनु भएको छ । स्मरणिय रहोस् नेपाली बुद्धभिजन ओमानले साहाराको घरलाई निरन्तर मासिक रुपमा केहि आर्थिक सहयोग गर्दै आईरहेको छ । साहाराको घरमा अहिले १४ जना बालबालिका रहेका छन् । यो सहयोगको पुण्य काममा ओमानवासी सम्पूर्ण नेपालीहरुलाई सहभागि भईदिन नेपाली बुद्धभिजन ओमानले अपिल गरेको छ ।

       ओमानवासी खेल प्रेमी नेपालीहरुको मागलाई मध्य नजर गर्दै टिम लुम्बिनी ओमानले आज २८ अप्रिल २०१७ का दिन मस्कटमा एक दिने अन्तर नेपाली पुरुष क्रिकेट प्रतियोगिता सम्पन्न गरेको छ । प्रतियोगितामा ओमानका बिभिन्न क्षेत्रबाट ७ टिमले सहभागिता जनाएका थिए । अघिल्लो साता प्रकाशित गरिएको टाईसिट अनुसार सहभागि ७ टिम मध्ये गैरआवासीय नेपाली संघ बाईमा परेको थियो ।


प्रतियोगिताको प्रथम खेल लुलु (लालिगुराँस) र तमु समाज बिच भएको थियो जसमा लुलु (लालिगुराँस) बिजयी भएको थियो भने दोश्रो खेल ओमान नेपाली एकता समाज  र मगर संघ ओमान बिच भएको थियो जसमा मगर संघ ओमान बिजयी भएको थियो त्यस्तै प्रथम चरणको अन्तिम खेलमा टिम लुम्बिनी र मसरुम ओमान बिच प्रतिश्प्रधा भएको थियो जसमा टिम लुम्बिनी ओमान बिजयी भएको थियो । यस पश्चात भएको पहिलो सेमी फाइनल खेल लुलु (लालिगुराँस) र मगर संघ ओमानबिच भएको थियो जसमा मगर संघ ओमान बिजयी भएर फाइनलमा प्रवेश गर्न सफल भएको थियो भने सेमि फाइनलको दोश्रो खेल बाईमा परेको टिम एन.आर.एन.ए. ओमान र टिम लुम्बिनी बिच निकै प्रतिश्प्रधात्मक खेल भएको थियो र यसमा टिम लुम्बिनी बिजयी भई फाईनलमा प्रवेश गर्न सफल भएको थियो ।


फाइनल खेल मगर संघ ओमान र टिम लुम्बिनी बिच दिनको २:३० बजे बाट सुरु भएको थियो जसमा पहिले व्याटिङ्गमा उत्रेको टिम लुम्बिनी ले निर्धारित ८ ओभरको खेलमा जम्मा ३७ रन बनाउन सफल भएको थियो भने लक्षित रनलाई मगर संघ ओमानले ५ ओभर मै पुर्‍याई खेलको उपाधि जित्न सफल भएको छ । यस प्रतियोगिताका सवै खेलहरु ८ ओभर खेलाईएका थिए । लगभग ३५ डिग्रीको तापक्रममा पनि प्रतियोगितामा खेल प्रेमी नेपाली खेलाडि तथा उल्लेख्य सर्वसाधरणको उपस्थिती रहेको थियो । बिजेता प्रथम तथा द्धितिय टिमहरुलाई पुरष्कारहरु क्रमश खशी, शिल्ड, र प्रमाणपत्र प्रदान गरिएको छ । त्यस्तै प्रत्येक प्रतियोगिताका म्यान अफ द म्याच, प्रतियोगितको म्यान अफ द सिरिज तथा सर्वाधिक रन बनाउन सफल खेलाडि र सर्बाधिक विकेट लिने खेलाडिहरुलाई प्रमाणपत्र प्रदान गरिएको छ । प्रतियोगिता सफल बनाउन बिभिन्न व्यक्ति तथा संस्थाहरुले प्रायोजन गरेको थिए, आयोजक टिम लुम्बिनी ओमानले सवै प्रायोजकहरुलाई प्रशंसा पत्र प्रदान गरेर सम्मान गरेको छ ।


पि.बि श्रेष्ठ, मस्कट, ओमान २८ अप्रिल २०१७

२८ अप्रिल २०१७ , मस्कट,
पि.बि श्रेष्ठ,

ओमानमा नेपाली महिलाहरुलाई एकजुट बनाइ २०१२ मा पार्वती श्रेष्ठको अध्यक्षतामा नेपाली महिला समाज ओमान गठन भएको थियो र गत दुई कार्यकाल देखी सर्बसम्मत रुपमा पार्वती श्रेष्ठ अध्यक्षमा हुनु हुन्थ्यो । संस्थाको बिधान अनुसार नेपाली महिला समाज ओमानको तेश्रो महाधिवेशन मिती २८ अप्रिल २०१७ मा मस्कटको मदिना काबुस स्थित हाइएस्ट माउन्टेन रेस्टुरेन्टमा सम्म्पन्न भएको छ । उक्त कार्यक्रममा निबर्तमान अध्यक्ष पार्वती श्रेष्ठ ज्यु ले संस्थाको गत २ बर्षको प्रगती विबरण सुनाउनु भएको थियो भने निबर्तमान कोषाध्यक्ष मधु गुरुङले गत २ बर्षको आर्थिक विवरण प्रस्तुत गर्नु भएको थियो ।


बरिष्ठ समाजसेवी तथा एन आर एन ए ओमानका सल्लह्कार श्री तोलाकान्त भट्टराई प्रमुख अतिथी रहनु भएको उक्त कारक्रममा एन आर एन ए ओमानका अध्यक्ष दिपक श्रेष्ठ, एन आर एन ए मध्यपुर्व सम्योजक डि बि छेत्री, अन्तरराष्ट्रिय एकता समाजका महा सचिव शोभाकान्त लामिछाने  ,नेपाली  जन संपर्क समिती मन्च  ओमानका सभापति फर्शुराम पोख्रेल लगायत ओमानमा सकृय सबै संस्थाका प्रतिनिधि ज्यु हरुको आथित्यता रहेको थियो ।

उक्त महाधिबेशनमा अध्यक्ष उमा ढुंगाना सहीत् सम्पूर्ण पदाधिकारी तथा सदस्यहरु सर्ब सम्मतिले चयन भएको थियो । सर्ब सम्मतीले चयन हुने सम्पूर्ण पदाधिकारी तथा सदस्यहरुको नामावली बिशेष अतिथी श्री डि बि छेत्री ज्यु ले पढेर सुनाउनु भएको थियो भने प्रमुख अतिथी श्री तोलाकान्त भट्टराई ज्यु ले सपथ खुवाउनु भएको थियो ।

सम्पूर्ण पदाधिकारी हरुलाई उपस्थित संघ सस्थाका प्रतिनिधि ज्यु हरुले मन्तब्यद्वारा हार्दिक बधाई ज्ञापन प्रदान गर्नु भएको  थियो ।

सर्ब सम्मतिले चुनिनु भएका नयाँ समिती को नामावली यसप्रकार छ ।

अध्यक्ष : उमा ढुंगाना
उपाध्यक्ष : सपना गुरुङ्
उपाध्यक्ष : गोमा पाण्डे
उपाध्यक्ष : शारदा तिवारी
महासचिव : गोमा थापा मगर
सचिव : कुमारी तामाङ
कोषाध्यक्ष : माधी गुरुङ
सह-कोशाध्यक्ष : कुमारी मगर
केन्द्रिय सदस्य हरु :
रमला राइ,
कुमारी राइ
सबिता श्रेष्ठ
चमेली पाख्रिन
कुमारी बुढाथोकी
गोमा थापा
माया राणा
आस्था गुरुङ
अनिता तामाङ
जिना सुनुवार
काशी गुरुङ
अमृता राइ
सिमा भुजेल
मेनुका पि बि

संरक्षक
पार्वती श्रेष्ठ

सल्लह्कार हरु:
मुन श्रेष्ठ नेपाल
जेनी राइ
लक्ष्मी (अन्जु) तामाङ
झुमा आचार्य
बिमला भट्टराई

“सिम्पल सिम्पल कान्छीको डिम्पल पर्ने गाला”, “मैले माया गर्न जानिन होला” जस्ता चर्चित १ दर्जन बढि गित प्रस्तुत गर्दै गायक दिपक लिम्वुले ओमानवासी नेपालीको नयाँ बर्ष २०७४ लाई उत्सवको रुपमा उद्घाटन गरेका छन् । त्यस्तै “लैजाउ घुमाउन मलाई ठमेल बजार”, “मै ठुली भैछु रे” भन्ने जस्ता उत्कृष्ट गितहरुमा नृत्य प्रस्तुत गर्दै नायिका रजनी के.शीले पनि ओमानवासी नेपालीहरुलाई नचाइन् ।
क्रिस्टल सुईटस् होटल वादिकविरमा आयोजित कार्यक्रममा संघका अध्यक्ष दिपक श्रेष्ठले कार्यक्रमको सभापतिन्व गर्नु भएको थियो, नेपाली राजदुतावास मस्कट ओमानकी नियोग प्रमुख रोजिना ताम्राकार प्रमुख अतिथि तथा एन.आर.एन.ए. उपाध्यक्ष कुमार पन्त बिशिष्ठ अतिथि र मध्य पूर्व संयोजक डि.बि क्षेत्री बिशेष अतिथि रहनु भएको थियो । कार्यक्रममा मिनिष्ट्री अफ सोसल अन्र्तगतको डिपार्टमेन्ट अफ कम्युनिटी का प्रतिनिधि रसिद अव्दुल स्पेशल गेष्टको रुपमा उपस्थित भएका थिए । त्यस्तै ओमानका बिभिन्न संघ संस्थाका अध्यक्ष तथा प्रतिनिधिहरु अतिथिको रुपमा उपस्थित भएका थिए ।
नव बर्षको शुभ अवसरमा एन.आर.एन.ए. ओमानले आफ्नो स्थापनाकाल देखिनै निरन्तर प्रयास गरेको गैरआवासीय नेपाली सामाजिक क्लवको पनि बिधिवत रुपमा स्थापना भएको घोषणा गरेको छ । मिनिष्ट्री अफ सोसल अन्र्तगतका डिपार्टमेन्ट अफ कम्युनिटि क्लवका प्रतिनिधि रसिद अब्दुल, नेपाली राजदुतावास ओमान प्रमुख तथा एन.आर.एन.ए उपाध्यक्ष कुमार पन्त तथा डि.बि क्षेत्रीको उपस्थितीमा गैरआवासीय नेपाली सामाजिक क्लव ओमानको लोगो उद्घाटन तथा संघका अध्यक्षले मिनिष्ट्र अफ सोसलका प्रतिनिधि रसिद अव्दुल बाट क्लव दर्ताको प्रमाण ग्रहण गरेर अफिसियल रुपमा स्थापना भएको छ ।
कार्यक्रममा संघको तर्फबाट उपस्थितहरुलाई स्वागत गर्दै प्रबक्ता बिकल झाले स्वागत मन्तव्य तथा नयाँ बर्ष २०७४ को शुभकामना दिनुभएको थियो । त्यस्तै एन.आर.एन.ए. का अन्तर्राष्ट्रिय स्तरका काम र गतिविधीहरुको जानकारी गराँउदै उपाध्यक्ष कुमार पन्त ज्यूले एन.आर.एन.ए का चालु रहेका लाप्राक नमुना वस्ती लगायत, एन.आर.एन भवन निमार्ण योजनाहरुमा सहयोग गर्न आफ्नो मन्तव्यमा ओमानवासी एन.आर.एन. हरुलाई आव्हान गर्नु भएको थियो । एन.आर.एन. ओमानले लामो समय देखि प्रयास गरिरहको सामाजिक क्लव दर्ता भएकोमा मध्य पुर्व संयोजक डि.बि क्षेत्री ज्युले खुशी व्यक्त गर्नुभयो तथा बैदेशिक रोजगारमा लागु हुने कानुनहरुको पूर्ण अध्ययन नगरि सतहि कुरालाई मात्र आधार मानेर निर्णय गरिनु नेपालीहरुको लागि मान्य नहुने र यस्ता बिषयमा संघले बिरोध गरि बैदेशिक रोजगरीलाई सहज बनाउन कोशिष गर्ने जानकारी पनि क्षेत्री ज्यूले दिनुभयो ।

कार्यक्रममा राष्ट्रिय कालकारका साथै स्थानिय नेपाली कलाकारहरुको पनि बेजोड सांगितिक तथा सांस्कृतिक प्रस्तुतीहरु प्रस्तुत भएका थिए । कार्यक्रमलाई त्रि–पक्षिय रुपमा उद्घोषण गर्दे संघका सल्लाहाकार किशोर अर्याल, सदस्य शुशिल पुन बिरही र सदस्य राम तामाङ्गले थप मनोरोञ्जन प्रदान गरेका थिय । कार्यक्रमलाई गोल्ड स्पोन्सरको रुपमा जलमुध नेशलन तथा लखुस एक्जेन्ज (हिमाल रेमिट) र सिल्भर स्पोन्सरको रुपमा अल हुदा विल्डिङ्ग मटेरियल तथा सेरामिक र ग्लोवल एक्सचेन्ज (बुम रेमिट) ले प्रायोजन गरेका थिए । त्यस्तै अन्य स्पोन्सरमा ओमान फुड स्टफ, मम किङ्ग ओमान र एन.आर.एन.ए क्षेत्रीय समिति सोहार रहेका थिए । आयोजकले प्रायोजक तथा कलाकारहरुलाई मायाको चिनो तथा कृतज्ञता पत्र प्रदान गरेको थियो ।
दिनको १ बजे बाट सुरु गरिएको कार्यक्रम साँझ ६ बजे समापन गरिएको थियो । उपस्थित नेपालीहरुले संघले कार्यक्रम आयोजना गरि आपसमा नयाँ बर्षको शुभकामना आदानप्रदान गर्ने मौका मिलाई दिएकोमा आयोजकलाई धन्यवाद दिएका थिए । कार्यक्रमको व्यवस्थापन पक्ष निकै राम्रो रहेको र सहयोगि सवै व्यक्ति तथा संघ संस्थालाई धन्यवाद दिदै अध्यक्ष तथा सभापति दिपक श्रेष्ठले कार्यक्रम समापन गर्नु भएको थियो ।

पि.बि श्रेष्ठ १५ अप्रिल २०१७

ओमान स्थित रुसेलमा सडक दुर्घटनामा परि झापा स्थाई घर भएका आनन्द भण्डारीको मृत्यु भएको छ । गत ७ अप्रिलका दिन सडक नजिकै गाडि कुरिरहेको अवस्थामा स्थानिय नागरिकको गाडिले ठक्कर दिएको थियो । दुर्घटनामा भण्डारीको टाउकोमा गम्भिर चोट लागेको थियो । प्रतक्ष्यदर्शीका अनुसार स्थानिय नागरिक मोवाईल प्रयोग गरेर ड्राईभिङ्ग गरेकोले दुर्घटना भएको थियो । भण्डारी स्थानिय प्राईभेट कम्पनी खिम्जी रामदाशको क्विक सप डिभिजनमा बिगत ५ बर्ष देखि कार्यरत थिय । सोहि कम्पनीमा काम गर्ने नेपाली कर्मचारीका अनुसार दुर्घटना पश्चात उहाँलाई नजिकैको सरकारी अस्पतालमा लगिएको थियो त्यहाँ उपचार हुन नसके पछि खोला हस्पिटलमा रिफर गरि २ पटक सम्म टाउकोको सल्यक्रिया गरिएको थियो र गत बिहिवार, १३ अप्रिल २०१७ का दिन उहाँको मृत्यु भएको छ । मृतक भण्डारीको शव दुतावासको सक्रियतामा १८ अप्रिल २०१७ मा नै नेपाल पठाइएको जानकारी पनि उक्त नेपाली कर्मचारीले दिएका छन् । सडक दुर्घटना परि मृत्यु भएकोले छानविन पश्चात बिमाको लागि दुतावासले प्रक्रिया अघि बढाउने छ ।

पि.बि श्रेष्ठ, १८ अप्रिल २०१७ मस्कट, ओमाान 

नेपाल ओमान  संवाददाताबैशाख
अप्रिल १४ , २०१७ मस्कट  ।

 गैरआवासीय नेपाली संघ ओमान अन्तत  ओमान सरकारमा एन आर एन ए सोसियल क्लबका नाममा आधिकारीक रुपमा दर्ता भएको छ । नेपाली दूतावास ओमानको सहयोग र एनआरएनए ओमानको संयुक्त प्रयासमा लामो समयपछि ओमान सरकारमा आधिकारीक रुपमा दर्ता हुन सफल भएको हो । खाडीका सबै देशमा एनआरएनए गठन भए पनि सम्बन्धीत देशको सरकारले स्विकृति दिएको संस्था एनआरएनए ओमान पहिलो रहेको बताइएको छ ।

‘नेपालीका लागि नेपाली भन्ने मुल नाराका साथ’ सन् २००९ मा ओमानमा स्थापना भएको एनआरएनए ओमानले ओमानमा रहेका नेपालीका समस्याहरुमा साथ दिदैँ आएको छ । साथै यसले विभिन्न समयमा सांस्कृतिक कार्यक्रमको आयोजना गर्ने, खेलकुद आयोजना गर्नुका साथै  पर्यटन प्रवद्र्धन तथा प्रचार–प्रसासमा लाग्ने काम गर्दै ओमानी नागरिकहरुबीच नेपाल देशलाई   चिनाउने काम पनि गर्दै आएको छ । ओमानमा पनि बिभिन्न समय समयमा रक्तदान जस्तै   सामाजिक कार्यहरु गरी एन आर एन ए  लाई चिनाउदै  अै रहेको संस्था अब दर्ता भएको छ जुन ओमानवसी नेपाली हरुको लागि खुशीको कुरा हो ।

ओमानमा एनआरएनए गठन हुनुभन्दा पहिले नेपालीहरुको समस्या समाधान हुँदै नभएको होइन्, त्यतिबेला पनि नेपाली समाज लगायत अन्य संघ संस्थाहरुले आ–आफ्नो बलबुताले भ्याएसम्म सहयोग गरेका थिए । तर, एनआरएनए गठनपछि अझ सहज भएको एनआरएनए ओमानका पूर्व अध्यक्ष तथा हालका गल्फ संयोजक डिबी क्षेत्रीको भनाइ छ । ‘अब ओमान सरकारको आधिकारीक निकायमा संस्था दर्ता भइसकेको छ, ओमानमा रहेका नेपालीका समस्यालाई कानुनी रुपमा अगाडि बढाउन सजिलो हुने भएको छ ।’ क्षेत्रीले अगाडि भने ।




क्लब दर्ताका क्रममा सकारात्मक भुमिका खेल्नुहुने ओमानबासी सबै नेपालीलाई धन्यवाद दिदैँ आगामी दिनहरुमा एनआरएनए  अझ सक्रिय भएर नेपाल र नेपालीको सेवामा लाग्ने संघका अध्यक्ष दिपक श्रेष्ठले बताए । श्रेष्ठ संस्था दर्ता गरन २०१२ देखी अग्रसर भएर लागेका थिए । अन्तत आफ्नै कार्यकालमा आएर दर्ता हुन सफल भएकोमा अझै आनन्द महसुश भएको बताउनु भयो ।

यस कारयका लागि सम्योजक रहनु भएका भरत अधिकारी ज्यु भन्नु हुन्छ कि   खाडी राष्ट्रमा रहेका प्रवासी कामदारहरुले खोलेको सामाजिक  संघसंस्था बैद्यानिक रुपमा दर्ता नभएको र कानुनीरुपमा विभिन्न काममा खुलेर लाग्न नसकिरहेका बेला ओमानमा एनआरएनए दर्ता हुनु सबै नेपालीका लागि खुसीको कुरा हो  तर त्यहाँको कानुनलाई आत्मसात गर्दै अगाडि बढ्नु एनआरएनए ओमानको दायित्व पनि हो ।
‘एनआरएनए सोसियल क्लब’ का रुपमा दर्ता भएको एनआरएनए ओमानलाई आधिकारीक रुपमा दर्ता गर्न २०१२ देखि संघका पदाधिकारीहरु लागेका थिए र त्यसको ५ बर्षा पछी बल्ल आएर दर्ता सफल भएको हो ।  

मिती : ३१ मार्च २०१७
मस्कट, ओमान

नयाँ बर्ष २०७४ लाई स्वागत गर्दै ओमाअनको मस्कटमा एन आर एन द्वारा एक सास्कृतिक कार्यक्रम हुने भएको छ । १४ अप्रिल २०१७ शुक्रबारका दिन  मस्कट स्थित क्रिस्तल होटलको हलमा हुने उक्त कार्यक्रममा नेपाल बाट चर्चित गायक तथा पहिलो नेपाली तारा दिपक लिम्बु  र चलचित्र  लोफर बाट अभिनय यात्राा शुरु गरी परदेधी जस्तो सुपरहिट चलचित्र लगायत  आधा दर्जन भन्दा बढी नेपाली सिनेमामा अभिनय गरी सक्नु भएका चर्चित नायिका रजनि के सि को समेत संगीतिक र सास्कृतिक प्रस्तुती रहने छ ।

संस्थाका अध्यक्ष दीपक श्रेष्ठका अनुसार  यो कार्यक्रमको मुख्य उद्देश्य भनेको नेपाली नयाँ बर्षलाई स्वागत गर्दै नेपालको धार्मिक तथा मौलिक चाडपर्वहरुलाई बिदेशमा बस्ने नेपालीहरुमाझ अझै प्रबर्धन गर्दै लैजाने हो । त्यस्तै यस् कार्यक्रमबाट नाफा भएको  रकम एन आर एन ए ओमानको  राहत तथा उद्वार कोषमा रहने जानकारी उक्त कारयक्रमका सम्योजक क्याप्टेन सेवन्त पुर्जा पुनले दिनु भएको छ साथै यस प्रकारका कार्यक्रमहरु आगामी दिन हरुमा पनि गर्दै जाने जानकारी दिनु भयो ।



सम्बाददाता ।