ओमानमा चार महिना देखी एक नेपालीको लाश अलपत्र
बैदेशिक रोजगारीको लागी ओमान प्रबेश गरेका शिब बहादुर दमाईले गत १२ डिसेम्बर २०१३, का दिन झुण्डिएर आत्महत्या गर्नुभएको थियो । घटना भए लगतै एन.आर.एन क्षेत्रीय समितीका संयोजक चन्द्र कुमार सुनुवारले दुताबास प्रतिनिधी दिपक श्रेष्ठ लाई घटना बारे जानकारी गराई लाश नेपाल पठाउन आबश्यक प्रक्रियाको लागी अनुरोध गर्नु भएको थियो । दुतावास प्रतिनिधी ज्युले पनि घटनाको समबेदनालाई आत्मसाथ गर्दै सके सम्म चाँडो उहाँको लास नेपाल पठाउन नेपाल दुतावास साउदी समक्ष "नो अब्जेक्सन पत्र" प्रदान गर्न आर्गह गर्नु भएको थियो । घटनाको १० दिन पछि नै दुतावासले "नो अब्जेक्सन पत्र" प्रदान गरी दमाईको शब नेपाल पठाउन बाटो खुल्ला गरेको थियो तर समस्या दमाईको स्पोन्सरले उत्पन्न गरायो । प्रारम्भमा उसले दमाई लाई यहि गाड्न पर्छ भन्ने अड्डी कसेको थियो । चार महिना सम्म शब लाई अस्पतालमा राख्दा अस्पतालको खर्च मात्रै रि.ओ १५०० पुगीसकेको छ, र अहिले उसले लाश पठाउने खर्च नबेर्होने जानकारी दिएको छ । यस बिचमा दुताबास प्रतिनिधी तथा साउदी दुतावास र सललाह एन.आर.एन का क्षेत्रीय समिती संयोजक बिच आपसी छलफल भैइरहेको छ । उक्त रकमको ब्याबस्था स्पोन्सरबाट नहुन्जेल सम्म लाश नेपाल पठाउन अहिले झन्डै असम्भब जस्तै रहेको दुताबास प्रतिनिधी बताउनु हुन्छ । उहाँ अघि भन्नु हुन्छ हामीले साउदी दुताबास मार्फत ओमानको परराष्ट्र बाट कुरा अगाडि बढाएका छौं । यसै समस्या लाइ सुल्झाउन साउदी दुतावासका कन्सुलर श्री सुधिर भट्टराइ ओमान आई प्रहरी समक्ष उजुरी गर्न खोज्दा उजुरी दर्ता नभएपछि ओमानको परराष्ट्र मन्त्रालय कन्सुलर विभागमा भेटवार्ता गरी फर्कनु भएको थियो । यो बारेमा ओमानको परराष्ट्रले सहयोग गर्ने बचन दिएको छ ।
स्थायी घर पाल्पा रिङ्घनेरह : ४ भएका दमाई, यहाँ अल रिनान यूनाईटेड कम्पनी सललाहमा कार्यरत थिए । फ्लोरिडा म्यानपाबर मार्फत ओमान आउनु भएको दमाईको यो घटनाको ३० दिन पछि उहाको श्रीमतीले पनि आत्महत्या गर्नु भएको मृतकका भाइ दामोदरले बताउनु भयो । यो शोकाकुल परिवारमा एकै पटक यस्तो बज्रपात परेको पिडा एकातिर छ भने अर्को ४ महिना बित्दा सम्म पनि आबश्यक काज-क्रियाको लागी परिवारको हातमा शब पर्न सकेको छैन ।
