अदालतको फैसला कार्यान्वयन कम
नेपालगन्ज, पुस ४ - पुनरावेदन अदालत
नेपालगन्जले एकहजार ५ सय २९ वर्ष कैद सजायको फैसला गरेकोमा हालसम्म ६ सय ५
बर्ष मात्रै भुक्तानी भएको छ । पुनरावेदन अदालत नेपालगन्जका निमित्त
रजिष्ट्रार दिलप्रसाद सापकोटा अनुसार बर्दियामा मात्रै १ हजार ५ सय २९ बर्ष
कैद सजायको फैसला भएको छ । पछिल्लो समय फैसला कार्यान्वयनका लागि कार्यदल
गठन भएपछि बिभिन्न अपराधमा सजायको फैसला भएका धमाधम पक्राउ गरी सजाय पाउन
थालेका छन् ।
पुनरावेदन अदालत नेपालगन्जले बाँकेमा पाँच
करोड १६ लाख ९६ हजार ८४३ रुपैयाँ दण्ड जरिबाना गरेकोमा दुई करोड ३४ लाख ९७
हजार ३ सय ४७ रुपैयाँ असुल भएको छ । यसैगरी बर्दियामा एक करोड ३३ लाख ५६
हजार १२६ रुपैयाँ दण्ड जरिबाना भएकोमा ५८ लाख ९८ हजार २८० रुपैया मात्रै
असुल भएको पुनरावेदन अदालत नेपालगन्जले जनाएको छ ।
source:-ujyaaloonline.com
