हेटौंडा सुरुङमार्ग निर्माणका लागि आवश्यक लगानी जुटाउन कुशकुमार जोशी दौडधुपमा व्यस्त हुनुहुन्छ । नेपाल पूर्वाधार विकास कम्पनी लिमिटेडले निर्माण गर्न लागेको सुरुङमार्ग परियोजना निर्माण सम्पन्न गर्न करिव ३५ अर्ब रुपैयाँ लाग्ने बताइएको छ । परियोजनामा लगानी गराउन कम्पनीले देश विदेशमा रहेका नेपालीहरुमाझ विभिन्न कार्यक्रम तथा अन्र्तक्रिया गरिरहेको छ ।

कम्पनीका अध्यक्ष जोशी परियोजनमा लगानी भित्राउन यूरोप तथा अमेरिकासम्म पुगिसक्नुभएको छ । उहाँले त्यहाँ रहेका नेपालीहरुलाई परियोजनामा लगानी गर्न आग्रह गरेको बताउनुभयो । त्यहाँ बसोबास गर्ने नपालीहरुले परियोजनामा लगानी गर्न उत्साह देखाएको उहाँको भनाई छ । अमेरिकामा वसोवास गर्ने नेपालीहरुको संगठन अमेरिकन नेप्लिज एसोसिएसनको न्युयोर्कमा सम्पन्न ३१औं सम्मेलनमा सहभागीहरुको धारणा बुझ्दा उनीहरुले परियोजनालाई महत्वका साथ हेरिरहेको र लगानी गर्न समेत आतुर रहेको पाएको उहाँको दाबि छ । तीन दिनसम्म चलेको सम्मेलनमा सहभागीहरुलाई कम्पनीले परियोजनका बारेमा जानकारी गराएको थियो ।

सोही अवसमार कम्पनीका अध्यक्ष कुशकुमास जोशी र अमेरिकन नेप्लिज एसोसिएसनका अध्यक्ष छेवा शेर्पा लामाबीच काठमाण्डौं-हेटौडा सुरुङमार्ग परियोजनामा लगानी जुटाउने सम्झौता भएको छ । सम्झौता अनुसार एसोसिएसनले आˆना सदस्य तथा अमेरिकामा बसोवास गर्ने नेपालीहरुलाई परियोजनाका बारेमा जानकारी दिने र लगानी जुटाउने काम गर्नेछ । जर्मनी, स्विट्जरल्याण्ड, बेलायत तथा वेल्जीयममा रहेका नेपालीहरुबाट ९६ करोड रुपैयाँ बराबरको लगानी गर्ने प्रतिवद्धता प्राप्त भएको कम्पनीले जानकारी दिएको छ ।