भट्टराईलाई पदत्यागको निर्णय फिर्ता लिन आग्रह
उपाध्यक्ष पदबाट राजीनामाको घोषणा गरेका एमाओवादी उपाध्यक्ष बाबुराम
भट्टराईलाई आजको पदाधिकारी बैठकले पदत्यागको निर्णय फिर्ता लिन आग्रह गरेको छ
।
एमाओवादी अध्यक्ष पुष्पकमल दाहालको निवास लाजिम्पाटमा बसेको एमाओवादी पदाधिकारी
बैठकले उपाध्यक्ष बाबुराम भट्टराईलाई पदत्यागको निर्णय फिर्ता लिन आग्रह गरेको छ
। भट्टराईले पार्टीमा पदका आकांक्षी बढेको भन्दै १५ असारमा केन्द्रीय समितिको
बैठकमा लिखित मन्तब्य पढ्दै पदत्यागको घोषणा गरेका थिए ।
यसैगरी बैठकमा पार्टीको केन्द्रीय समितिको बैठकमा पेस गरिएको साङ्गठनिक प्रस्तावको सन्दर्भमा पार्टीका नेताहरुले प्रस्तुत गरेको विचार तथा सुझावलाई समेटेर अगाडि बढ्ने विषयमा छलफल भएको पार्टी महासचिव पोष्टबहादुर बोगटीले जानकारी दिए । “पदाधिकारी बैठकमा सबै विषयमा छलफल भएको छ, सोही छलफलको आधारमा आज पुनः केन्द्रीय समितिको बैठक बसेर अन्तिम निष्कर्ष निकालिन्छ,” बोगटीले भने ।
पार्टी केन्द्रीय समितिको बैठकमा एमाओवादी अध्यक्ष प्रचण्डले प्रस्तुत गरेको साङ्गठनिक प्रतिवेदनमा विवाद भएपछि केन्द्रीय समितिको बैठक लम्बिँदै गएको छ । साङ्गठनिक प्रतिवेदन चित्त बुझ्दो नभएको भन्दै पार्टीकै नेताहरुले असन्तुष्टि व्यक्त गरेका छन् ।
दाहालले प्रस्तुत गरेको प्रतिवेदनमा ९ सदस्यीय पार्टी पदाधिकारी, ७ जना वैकल्पिकसहित २५ सदस्यीय स्थायी समिति, १४ वैकल्पिकसहित ५१ सदस्यीय पोलिटब्युरो र १५१ सदस्यीय केन्द्रीय समिति रहने व्यवस्था गरिएको छ ।
स्रोत: हिमालखबर
यसैगरी बैठकमा पार्टीको केन्द्रीय समितिको बैठकमा पेस गरिएको साङ्गठनिक प्रस्तावको सन्दर्भमा पार्टीका नेताहरुले प्रस्तुत गरेको विचार तथा सुझावलाई समेटेर अगाडि बढ्ने विषयमा छलफल भएको पार्टी महासचिव पोष्टबहादुर बोगटीले जानकारी दिए । “पदाधिकारी बैठकमा सबै विषयमा छलफल भएको छ, सोही छलफलको आधारमा आज पुनः केन्द्रीय समितिको बैठक बसेर अन्तिम निष्कर्ष निकालिन्छ,” बोगटीले भने ।
पार्टी केन्द्रीय समितिको बैठकमा एमाओवादी अध्यक्ष प्रचण्डले प्रस्तुत गरेको साङ्गठनिक प्रतिवेदनमा विवाद भएपछि केन्द्रीय समितिको बैठक लम्बिँदै गएको छ । साङ्गठनिक प्रतिवेदन चित्त बुझ्दो नभएको भन्दै पार्टीकै नेताहरुले असन्तुष्टि व्यक्त गरेका छन् ।
दाहालले प्रस्तुत गरेको प्रतिवेदनमा ९ सदस्यीय पार्टी पदाधिकारी, ७ जना वैकल्पिकसहित २५ सदस्यीय स्थायी समिति, १४ वैकल्पिकसहित ५१ सदस्यीय पोलिटब्युरो र १५१ सदस्यीय केन्द्रीय समिति रहने व्यवस्था गरिएको छ ।
स्रोत: हिमालखबर
