इजिप्टमा सैनिक कु, राष्ट्रपति पदच्यूत
२० असार:
इजिप्टमा सेनाले राष्ट्रपति मोहम्मद मुर्सीलाई पदच्युत गर्दै सत्ता हातमा लिएको छ । सेना प्रमुख अब्देल फतह अल सिसीले राष्ट्रिय टेलीभिजन मार्फत सम्बोधन गर्दै मोर्सीलाई पदबाट हटाइएको घोषणा गरेका हुन ।
सेना प्रमुख "अब्देल फतह अल सिसीले" सरकार संचालन सेनाले नगर्ने तर अबको सरकारको मुख्य काम न्यायधीसले गर्ने घोषणा गरेका छन् । त्यहाँको जारी संकट समाधानका लागी सेनाले दिएको समय सिमा सकिए लगतै राजधानी कायरोमा सेना परिचालन गरिएको छ ।
सेनाप्रमुख जनरल अल सीसीले अब मुलुकको सत्ता मुख्य न्यायाधीशको हातमा पुगेको घोषणा गरेका छन् । सेनाले संविधान निलम्बन गरेको छ भने राष्ट्रपति मुर्सीलाई उनकै निवासमा नजरबन्दमा राखेको छ । ईजिप्ट सैनिकले उनलाई हटाएपछि सवैधानिक अदालतका प्रमुख न्यायधिसको अध्यक्षतामा नयाँ चुनावी मन्त्रीपरिषद गठन गर्ने भएको छ ।
सेना प्रमुखको सम्बोधन लगत्तै मुस्लिम ब्रदरहुडको स्वामित्वमा रहेको टेलिभिजन बन्द गराइएको छ भने मिश्र ट्वान्टी फाइभ च्यानलका व्यवस्थापकलाई गिरफतार गरिएको जनाएको छ ।
 |
| ईजिप्टका राष्ट्रपती मोहम्मद मोर्सीको बर्खास्तगी पछि उनका बिरोधीहरुले राजधानी कायरोमा खुशियाली मनाउने क्रममा गरेको आतिसबाजी ।
मुर्सीलाई पदच्युत गरेपछि विपक्षी प्रदर्शनकारीले राजधानी कायरोस्थित चर्चित तहरिर स्क्वायर क्षेत्रमा खुशीयाली मनाएको अन्तर्राष्ट्रिय सञ्चार माध्यमहरुले जनाएका छन् ।
स्रोत:अन्य |
